Санаи 11 июни соли 2025 дар ҳошияи иҷлосияи 113-уми Конфронси байналмилалии меҳнат Вазири меҳнат, муҳоҷират ва шуғли аҳолии Ҷумҳурии Тоҷикистон Холмаҳмадзода Солеҳа бо Дабири кулли Созмони Байналмилалии Меҳнат ҷаноби Жилбер Унгбо мулоқот анҷом дод.

Дар мақола ташаббуси панҷуми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Рахмон дар бораи «Соли байналмилалии ҳифзи пиряхҳо» эълон гардидани соли 2025 мавриди таҳлил қарор дода шудааст.

Тағйирёбии иқлим имрӯз ба яке аз таҳдидҳои глобалии рушди устувор табдил ёфтааст, ки паёмадҳои он ба муҳити зист, иқтисодиёт ва хусусан, бозори меҳнат таъсири амиқ мегузорад.

29 майи соли 2025 дар доираи Конфронси байналмилалии сатҳи баланд оид ба ҳифзи пиряхҳо (29–31 майи соли 2025) Вазорати меҳнат, муҳоҷират ва шуғли аҳолии Ҷумҳурии Тоҷикистон дар ҳамкорӣ бо Созмони Байналмилалии Муҳоҷират чорабинии канориро таҳти унвони «Ҳаракати аҳолӣ ва тағйирёбии иқлим дар минтақаҳои кӯҳӣ: афзалиятҳои амал» баргузор намуд.

28 майи соли 2025, мулоқоти вазири меҳнат, муҳоҷират ва шуғли аҳолии Ҷумҳурии Тоҷикистон бо муовини Сарвазири Ҷумҳурии Булғористон Атанас Зафиров, ки барои иштирок дар Конфронси байналмилалии сатҳи баланд оид ба ҳифзи пиряхҳо ба Ҷумҳурии Тоҷикистон ташриф овардааст, доир гардид.

14 майи соли 2025 дар ноҳияи Ховалинг гурӯҳи кории Вазорати меҳнат, муҳоҷират ва шуғли аҳолии Ҷумҳурии Тоҷикистон дар ҳамкорӣ бо корманди Хати оҷилӣ доир ба муҳоҷирати бехатар ва муқовимат ба савдои одамон вохӯрии иттилоотӣ бо сокинони маҳаллӣ баргузор намуд. Дар чорабинӣ инчунин намояндагони ҳукумати маҳаллӣ, раисони маҳаллаҳо ва ҷамоатҳо иштирок намуданд.  

27 майи соли 2025 бо ташаббуси  Вазорати меҳнат, муҳоҷират ва шуғли аҳолии Ҷумҳурии Тоҷикистон  ҳамоиши ҷавонон таҳти унвони “Ҷавонон пайрави Пешвои миллат” баргузор гардид. 

«Бо дарназардошти саҳми ҷавонон дар рушди ҷомеа ва иштироки фаъолонаи онҳо дар ҳаёти сиёсиву иқтисодии мамлакат пешниҳод менамоям, ки соли 2017 дар Ҷумҳурии Тоҷикистон Соли ҷавонон эълон карда шавад, ироа гардидааст дар Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон 22 – юми декабри 2016». 

Дар шаҳри Боку ҷаласаи 29-уми Шурои роҳбарони мақомоти муҳоҷиратии  давлатҳои аъзои ИДМ баргузор шуд. Дар чорабинӣ ҳайатҳои Русия, Озарбойҷон, Беларус, Қирғизистон, Тоҷикистон, Узбекистон, инчунин намояндагони созмонҳои байналмилалӣ ширкат варзиданд.

Санаи 16 майи соли 2025 дар ҳошияи баргузории Форуми XVI байналмилалии иқтисодии "Русия - ҷаҳони ислом: КАЗАНФОРУМ" Вазири меҳнат, муҳоҷират ва шуғли аҳолии Ҷумҳурии Тоҷикистон Холмаҳмадзода Солеҳа дар мизи мудаввар иштирок ва суханронӣ намуд. Мизи мудаввар аз ҷониби Вазорати меҳнат ва ҳифзи иҷтимоии Федератсияи Россия ва Вазорати меҳнат, шуғл ва ҳифзи иҷтимоии Ҷумҳурии Тотористон ташкил гардид.

Санаи 21 майи соли ҷорӣ вазири меҳнат, муҳоҷират ва шуғли аҳолии Ҷумҳурии Тоҷикистон Холмаҳмадзода Солеҳа ҳайати Ҷумҳурии Кореяро таҳти роҳбарии Президенти Хадамоти рушди захираҳои инсонии Корея Вуянг Ли ба ҳузур пазируфт.