Раёсати котибот аз 2 шуъба – шуъбаи коргузорӣ ва назорат ва шуъбаи ташкилӣ ва матбуот иборат аст. 

Раёсат дар доираи масъалаҳои ба салоҳияти он вогузоргардида вазифаҳои асосии зеринро амалӣ менамояд: 

а) дар самти коргузорӣ:
    - ташкили дурусти коргузорӣ дар дастгоҳи марказии вазорат;
    -  бақайдгирии ҳуҷҷатҳои воридотӣ ва содиротӣ ва ба масъулин тақсим намудани ҳуҷҷатҳои воридотӣ ҷиҳати таъмини иҷро вобаста ба мансубият;
    - ташкили корҳо оид ба қабули шаҳрвандон вобаста ба масъалаҳои шахсӣ аз тарафи роҳбарияти Вазорат, кор бо мактубҳо;
    - бурдани назорат аз рӯи риояи муҳлати иҷрои саривақтии ҳуҷҷатҳо ва ирсоли маълумот ва ҷавобҳо ба аризадиҳандагон ва ташкилоту муассисаҳое, ки аз онҳо мактуб ворид гаштааст;
    - омода намудани муросилоти дохилшуда барои пешниҳод ба Вазир;
    - сари вақт шинос намудани кормандони дастгоҳи марказии Вазорат ва  зерсохторҳои он бо ҳуҷҷатҳо ва дигар супоришҳои Вазорат;
    - бақайдгирии барқияву факсограммаҳо;
    - дар муҳлатҳои муайяншуда ба бойгонии Вазорат супоридани ҳуҷҷатҳо, ба гурӯҳҳо ҷудо намудани онҳо ва ба расмият даровардани ҳуҷҷатҳои иҷрошуда дар парвандаҳо;

б) дар самти назорат:
Таъмини риояи талаботи Дастурамали намунавии коргузорӣ дар мақомоти давлатӣ, муассиса, корхона ва дигар ташкилотҳои Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 июли соли 2017, №358 ва Дастурамали коргузорӣ дар дастгоҳи марказии Вазорат дар самти интизоми иҷроия ва назорат вобаста ба муҳтавои супориш ва муҳлати иҷрои  ҳуҷҷатҳои зерин:
    - амру фармонҳои Президенти Ҷумҳурии Тоҷикистон; 
    - қарорҳои Ҳукумати Ҷумҳурии Тоҷикистон;
    - фармоишҳои Ҳукумати Ҷумҳурии Тоҷикистон;
    - иҷро ва пешниҳоди лоиҳаҳои санадҳои меъёрии ҳуқуқӣ;  
    - супоришҳои Ҳукумати Ҷумҳурии Тоҷикистон нисбати қарори Маҷлиси намояндагони Маҷлиси Олии Ҷумҳурии Тоҷикистон;  
    - супоришҳои Ҳукумати Ҷумҳурии Тоҷикистон нисбати қарори  Шӯрои Маҷлиси намояндагони Маҷлиси Олии Ҷумҳурии Тоҷикистон (оид ба хулоса ба лоиҳаи қонунҳо);  
    - супориши Сарвазир ва муовинони Сарвазири Ҷумҳурии Тоҷикистон;
    - супоришҳои Роҳбари Дастгоҳи иҷроияи Президенти Ҷумҳурии Тоҷикистон;
    - Нақшаи чорабиниҳои Ҳукуматӣ;
    - нусха аз Протоколҳои маҷлиси Раёсати Ҳукумати Ҷумҳурии Тоҷикистон;
    - протоколҳои машваратҳои назди Роҳбари Дастгоҳи иҷроияи Президенти Ҷумҳурии Тоҷикистон ва муовинони ӯ; 
    - нақшаи чорабиниҳо, ки аз ҷониби Президенти Ҷумҳурии Тоҷикистон  тасдиқ карда мешаванд (нимсола) солона;
    - нақшаи кори Ҳукумати Ҷумҳурии Тоҷикистон. 
    - қарору протоколҳои маҷлисҳои Ҳайати мушовараи вазорат
    - фармоишҳои вазир

в) дар  самти  ташкилӣ:
    - ҳамоҳангсозии фаъолияти воҳидҳои сохторӣ ва сохторҳои таркибии вазорат ҷиҳати дар муҳлати муқарраршуда вобаста ба масъалаҳои баррасишаванда дар маҷлисҳои ҳайати мушовараи моҳона ва ҷамъбастӣ пешниҳод намудани мавод ва пешниҳоди масъала ба баррасии маҷлиси Ҳайати мушовара;
    - таҳияи лоиҳаи Нақшаи кори Вазорат барои нимсолаҳои якум ва дуюм ва пешниҳоди он ба баррасии маҷлиси Ҳайати мушовара;
    - омода намудани пешниҳодҳои Вазорат барои ворид намудан ба лоиҳаи Нақшаи кори Ҳукумати Ҷумҳурии Тоҷикистон барои нимсолаҳои якум ва дуюм;
    - омодагӣ,  даъват  ва гузаронидани ҷаласаҳои Ҳайати мушовараи Вазорат;
    - дар якҷоягӣ бо ҳайати котиботи маҷлис таҳияи протоколҳои маҷлисҳои Ҳайати мушовара такмили қарорҳои қабулгардида; 
    - таҳияи протоколҳои маҷлисҳои назоратии назди Вазир омода намудани мавод барои маҷлисҳои навбатӣ;
    - ба қайд гирифтани қарорҳои маҷлиси Ҳайати мушовара ва фармоишҳои Вазорат;
    - дар муҳлатҳои муқаррашуда баргузор намудани ҷаласаҳои Комиссия оид ба танзими анъана ва ҷашну маросимҳо дар дастгоҳи марказии Вазорат;

г) дар самти матубот: 
    - тарғибу ташвиқи фаъолияти Вазорат ва сохторҳои онро тавассути васоити ахбори омма;
    - таъмини иҷрои Фармони Президенти Ҷумҳурии Тоҷикистон аз 7 феврали соли 2009, №622 «Дар бораи вокуниши шахсони мансабдор ба маводҳои танқидӣ ва таҳлилии ВАО»-ро;
    - ҳар нимсола баргузор намудани нишастҳои матбуотӣ оид ба фаъолияти Вазорат;
    - баргузор намудани маҷлисҳои тантанавӣ бахшида ба иду ҷашнҳо омода намудани матни сухани табрикотии роҳбарияти вазорат ва номаҳои табрикотӣ;
    - ҳамкорӣ бо васоити ахбори омма ва сомонаҳо ҷиҳати инъикоси фаъолияти вазорат ва сохторҳои он дар самти меҳнат, муҳоҷират, шуғли аҳолӣ, таҳсилоти ибтидоии касбӣ ва таълими калонсолон;
    - фаъол нигоҳ доштани сомонаи вазорат, сари вақт ҷой додани хабару гузоришҳо дар бораи чорабиниҳои баргузоргардида ва навигариҳо дар самтҳои фаъолияти вазорат, назорати фаъолияти сомонаҳои сохторҳои вазорат;
    - вокуниши саривақтӣ ба мақолаҳо ва хабарҳои таҳлилию танқидӣ;  
    - андешидани чораҳо ҷиҳати обунашавӣ ба рӯзномаю маҷаллаҳо дар дастгоҳи марказии вазорат ва сохторҳои он;

Раёсат дар доираи масъалаҳои ба салоҳияти он вогӯзоргардида вазифаҳои асосии зеринро амалӣ менамояд:

•     - татбиқи функсияи Вазоратро оид ба таҳия ва амалӣ намудани сиёсати давлатӣ, танзими меъёрии ҳуқуқӣ дар самти  муносибатҳои меҳнатӣ ва сатҳи зиндагии аҳолӣ  таъмин менамояд;
•     - татбиқи вазифаҳо оид ба ҳамоҳангсозӣ ва назорати фаъолияти Агентии меҳнат ва шуғли аҳолӣ, Хадамоти назорати давлатӣ дар соҳаи меҳнат, муҳоҷират ва шуғли аҳолӣ ва Муассисаи давлатии Пажӯҳишгоҳи меҳнат, муҳоҷират ва шуғли аҳолии  вазоратро таъмин менамояд;
•     - таъмини иттилоотӣ ва ташкилии фаъолияти Вазоратро аз рӯи масъалаҳои ба салоҳияти Раёсат мансуббуда амалӣ месозад.

Вобаста ба вазифаҳои асосӣ Раёсат функсияҳои зеринро амалӣ менамояд:
Дар соҳаи меъёрбандӣ, музди меҳнат ва сатҳи зиндагии аҳолӣ

•     - дар ҳамкорӣ бо вазорату идораҳои дахлдор оид ба самтҳои асосӣ ва афзалиятноки  сиёсати давлатӣ дар соҳаҳои меъёрбандӣ, музди меҳнат ва сатҳи  зиндагии  аҳолӣ  пешниҳодҳо таҳия менамояд; 
•     - вазъи сатҳи зиндагии аҳолӣро омӯзиш, таҳлил ва арзёбӣ мекунад;
•     - бо воситаи ҳисоби даромадҳои пулии аҳолӣ, ҷиҳати болоравии сатҳи зиндагии аҳолӣ чорабиниҳо таҳия менамояд;
•     - дар ҳамкорӣ бо вазорату идораҳои дахлдор оид ба андозаи ҳадди ақали музди меҳнат, кумакпулиҳо ва стипендияҳо пешниҳодҳо омода мекунад; 
•     - оид ба такмили системаи ҷубронпулиҳо, имтиёзҳо, инчунин барои ҳимояи даромадҳои пулии аҳолӣ аз таваррум ба  роҳбарияти вазорат   пешниҳодҳо ирсол менамояд;
•     - оид ба муайян намудани ҳисоби андозаи ҳадди ақали зисти гурӯҳҳои мухталифи иҷтимоию демографии аҳолӣ тавсияҳои методӣ таҳия намуда, инчунин ҳисоби он ва ташхиси ҳисоби ҳадди ақали зиндагиро анҷом медиҳад;
•     - тарификатсияи корҳо, касбҳо ва вазифаҳоро анҷом медиҳад, заминаи меъёрии ҳуқуқии меъёрбандӣ ва пардохти музди меҳнат таҳия менамояд; 
•     - оид ба масъалаҳои меъёрбандӣ ва пардохти музди меҳнат, меъёрҳои меҳнат, маълумотномаи ягонаи тарифию тахассусии корҳо ва касбҳо, маълумотномаи тахассусии мансабҳои кормандон, дастурамалҳо, тавзеҳот ва тавсияҳоро тасдиқ мекунад;
•     - дар таҳия ва татбиқи чорабиниҳо ҷиҳати такмили системаи пардохти музди меҳнати хизматчиёни давлатӣ, кормандони муассисаҳои буҷетӣ, инчунин таъминоти пулии хизматчиёни ҳарбӣ ва шахсони ба онҳо баробаркардашуда иштирок менамояд; 
•     - дар муайян намудани андозаи меъёрҳои тарифӣ ва маошҳои мансабӣ барои вазифаҳо ва категорияҳои алоҳидаи кормандони муассисаҳои буҷетӣ, мутобиқи шартҳои пардохти музди меҳнати муқаррарнамудаи Ҳуқумати Ҷумҳурии Тоҷикистон иштирок менамояд; 
•     - дар мувофиқа бо Вазорати молияи Ҷумҳурии Тоҷикистон шартҳои пардохти музди меҳнати кормандоне, ки ба иҷрои корҳои садамавию наҷотдиҳӣ ва дигар корҳои таъхирнопазир оид ба рафъи оқибатҳои ҳолатҳои фавқулодда машғуланд, муқаррар менамояд;
•     - дар ҳамдастӣ бо мутахассисони вазорату идораҳои дахлдор роҷеъ ба масъалаи ташкили пардохт ва меъёрбандии музди меҳнат таҳқиқот анҷом медиҳад; 
•     - дар танзими баҳсҳои коллективӣ ва фардии меҳнатӣ, оид ба масъалаҳое, ки ба салоҳияти  Раёсат  тааллуқ доранд, мадад мерасонад. 

Дар соҳаи  бехатарӣ ва шароити меҳнат:

•     - номгӯи  истеҳсолот,  корҳо,  касбҳо  ва вазифаҳои дорои шароити зарарноки меҳнат, ки ба рухсати меҳнатии иловагӣ, рӯзи кӯтоҳи корӣ, бепул  гирифтани  хӯрокаи  тиббию  профилактикӣ  ҳуқуқ  медиҳанд,  таҳия намуда  ба Ҳукумати Ҷумҳурии Тоҷикистон пешниҳод менамояд;
•     - оид ба ҳифзи  меҳнат  идоракунии   давлатиро  анҷом  дода,  ҷиҳати ҳамоҳангсозии фаъолияти вазорату идораҳо дар ин самт кор мебарад;
•     - дар мувофиқа  бо  вазорату идораҳои дахлдор оид ба ҳифзи меҳнат қоидаҳои байнисоҳавӣ ва санадҳои ташкилию методӣ таҳия ва қабул менамояд;
•     - дар таҳияи барномаҳои миллӣ ва минтақавӣ оид ба беҳсозии шароит ва ҳифзи меҳнат иштирок менамояд;
•     - якҷоя бо  мақомоти  давлатии  омор  намунаҳои  ҳисоботҳои  омории давлатии  нишондиҳандаҳои шароит ва ҳифзи меҳнат,  ҳодисаҳои нохуш дар истеҳсолот ва бемориҳои касбиро таҳия ва қабул менамояд;
•     - тартиби  гузаронидани санҷиши ҳодисаҳои нохуш дар истеҳсолот ва бемориҳои  касбиро  таҳия  намуда,  ба  баррасии   Ҳукумати   Ҷумҳурии Тоҷикистон пешниҳод менамояд;
•     - меъёрҳои  соҳавии  ба  кормандон  додани  сару  либоси  махсус, пойафзоли  махсус  ва  дигар  воситаҳои муҳофизати фардиро таҳия намуда, ба баррасии Ҳукумати Ҷумҳурии Тоҷикистон пешниҳод менамояд;
•     - тартиби  ба  кормандон  додани  имтиёзҳо  барои шароити вазнину зарарнок ва хавфноки  меҳнатро  таҳия  намуда,  ба  баррасии  Ҳукумати Ҷумҳурии Тоҷикистон пешниҳод мекунад;
•     - қоидаҳо ва меъёрҳо оид ба  ҳифзи  меҳнат,  инчунин  талаботи ташкилию  методӣ ва умумитехникӣ барои анҷом додани корҳо вобаста ба бехатарии меҳнат тасдиқ мекунад;
•     - оид  ба такмили шароит ва ҳифзи меҳнат,  танзими давлатии вақти корӣ ва истироҳат барои категорияҳои алоҳидаи кормандон таклифҳо таҳия намуда, ба Ҳукумати Ҷумҳурии Тоҷикистон пешниҳод менамояд.

Дар соҳаи шарикии иҷтимоӣ

•     - дар ҳамкорӣ бо мақомоти дахлдори давлатӣ оид ба такмили системаи шарикии иҷтимоӣ пешниҳодҳо омода намуда, роҳбарии методиро оид ба бастани созишномаҳои минтақавӣ, соҳавӣ (байнисоҳавӣ), шартномаҳои коллективӣ анҷом медиҳад ва ба танзими баҳсҳои меҳнатии коллективӣ вобаста ба масъалаҳое, ки ба салоҳияти Вазорат дахл доранд, мусоидат мекунад;
•     - созишномаҳои минтақавӣ ва соҳавӣ (тарифӣ)-ро оид ба муносибатҳои иҷтимоию  иқтисодӣ ва меҳнатӣ сабти ном мекунад, назорати иҷрои онҳоро таъмин менамояд;
•     - дар омода намудани лоиҳаи Созишномаи генералӣ байни Ҳукумати Ҷумҳурии Тоҷикистон, Иттиҳодияи корфармоёни Тоҷикистон ва намояндагони кормандон иштирок намуда, ба нақшаи чорабиниҳо оид ба татбиқи ҳамин созишнома пешниҳодот манзур менамояд;
•     - дар кори раёсату шуъба, хадамоту агентӣ ва муассисаҳои сохтори Вазорати меҳнат, муҳоҷират ва шуғли аҳолии Ҷумҳурии Тоҷикистон оид ба масъалаҳои муносибатҳои меҳнатӣ ва сатҳи зиндагии аҳолӣ, ёрии амалии ҳуқуқию методӣ мерасонад.   
•     - дар ташкил ва гузаронидани муҳокимаи лоиҳаҳои санадҳои меъёрии ҳуқуқӣ дар соҳаи муносибатҳои меҳнатӣ ва сатҳи зиндагии аҳолӣ иштирок мекунад.
•     - лоиҳаи фармоишҳо, қарорҳо, дастурамалҳо, низомнома ва дигар ҳуҷҷатҳои хусусияти меъёридоштаеро, ки ба имзои роҳбарияти Вазорат пешниҳод мешаванд, санҷида ба талаботи қонунгузории амалкунанда мутобиқ мегардонад.
•     - бо супориши роҳбарияти Вазорат, пешниҳодот, ариза ва шикоятҳои шаҳрвандонро баррасӣ намуда, аз рӯи онҳо хулосаҳои зарурӣ тайёр карда вобаста ба масъалаҳое, ки ба самти фаъолияти раёсат дахл дорад, шаҳрвандонро қабул менамояд. 
•     - Раёсат барои иҷрои вазифаю уҳдадориҳои тибқи Низомномаи мазкур ба зиммаи Раёсат гузошташуда, иҷрои саривақтӣ ва сифатноки нақшаи корӣ, супоришҳои роҳбарияти Вазорат, риояи интизоми хизматӣ ва қоидаҳои дохилии тартиботи меҳнатӣ аз тарафи кормандони Раёсат масъул мебошад.
•     - вазифаҳое, ки дар Низомномаи мазкур пешбинӣ нашуданд ва ба салоҳияти Раёсат мансуб нестанд, ба зиммаи Раёсат вогузор карда намешаванд, ба истиснои супоришҳои бевоситаи роҳбарияти вазорат.

Раёсати муҳоҷирати аҳолии Вазорати меҳнат, муҳоҷират ва шуғли аҳолии Ҷумҳурии Тоҷикистон

1. Ба салоҳияти Раёсат пешбурди масъалаҳо оид ба таҳия ва татбиқи сиёсати давлатӣ, танзими меъёрии ҳуқуқии соҳаи муҳоҷирати ахолӣ ва ҳамкори бо диаспораҳои тоҷикон ва ҳамватанони бурунмарзӣ ворид мегарданд.
2. Раёсат таҳти роҳбарии Вазири меҳнат, муҳоҷират ва шуғли аҳолии Ҷумҳурии Тоҷикистон (минбаъд - Вазир) ва муовини Вазир - сарпарасти соҳа фаъолият мекунад.
3. Раёсат аз сардор, муовини сардор - сардори шуъба, сармутахассисон, мутахассисони пешбар ва мутахасисониборат мебошад.

Вазифаҳои асосии Раёсати муҳоҷирати аҳолӣ
Раёсат дар доираи масъалаҳои ба салоҳияти он вогузоргардида вазифаҳои асосии зеринро амалӣ менамояд:
    - татбиқи функсияи вазоратро оид ба таҳия ва амалӣ намудани сиёсати давлатӣ, танзими меъёрии ҳуқуқӣ дар самти муҳоҷирати аҳолӣ, диаспораҳо ва ҳамватанони бурунмарзӣ таъмин менамояд;
    - татбиқи вазифаҳо оид ба ҳамоҳангсозӣ ва назорати фаъолияти Хадамоти муҳоҷират, Намояндагиҳои Вазорат дар хориҷа, Муассисаи давлатии “Агентии бокортаъминкунӣ дар хориҷа”-ро таъмин менамояд;
    - таъмини иттилоотӣ-таҳлилӣ ва ташкилии фаъолияти вазоратро аз рӯи масъалаҳои ба салоҳияти Раёсат мансуб буда амалӣ месозад.
Вобаста ба вазифаҳои асосӣ Раёсат функсияҳои зеринро амалӣ менамояд:
    - оид ба ташаккули  сиёсати давлатии  дар самти муҳоҷирати аҳолӣ   лоиҳаҳои санадҳои меъёрии ҳуқуқӣ ва барномаҳои дахлдор таҳия ва корҳоро ҷиҳати татбиқи онҳо ташкил  менамояд;
    - дурнамои раванди муҳоҷирати дохилӣ ва хориҷиро меомӯзад ва ба Ҳукумати Ҷумҳурии Тоҷикистон таклифҳо пешниҳод менамояд;
    - фаъолияти вазорату идораҳо, мақомоти иҷроияи маҳаллии ҳокимияти давлатӣ, муассиса ва ташкилотҳоро дар соҳаи муҳоҷирати аҳолӣ ҳамоҳанг месозад;
    - расонидани хизматҳои машваратӣ, ҳуқуқӣ, иҷтимоӣ ва ғайраро ба муҳоҷирони меҳнатӣ, дохилӣ (ихтиёрӣ), экологӣ ва аъзои оилаи онҳо ташкил менамояд;
    - раванди муҳоҷирати аҳолиро таҳлил намуда, барномаҳо ва дурнамои соҳаро таҳия менамояд;
    - ба Ҳукумати Ҷумҳурии Тоҷикистон оид ба квотаи муҳоҷирати хориҷӣ ва ҷалби қувваи кории хориҷӣ ба Ҷумҳурии Тоҷикистон пешниҳод манзур менамояд;
    - ҷамъоварӣ ва таҳлили маълумоти омориро дар соҳаи муҳоҷирати аҳолӣ мутобиқ ба методологияи омори расмӣ амалӣ менамояд;
    - дар ҳамкорӣ бо мақомоти дахлдори давлатӣ кӯчонидани муҳоҷирони экологиро аз минтақаҳои хавфнок ва экзогенӣ ба мавзеъҳои бехавф, инчунин аз маҳалҳои кӯҳӣ, наздикӯҳӣ, ноҳияҳои сераҳолӣ ва камзамин ба ноҳияҳои дорои захираҳои кофии замин кӯчонидани хоҷагиҳоро амалӣ менамояд; 
    - дар соҳаи муқарраршудаи фаъолият ҳамкориро бо диаспораҳо, ташкилотҳои ҷамъиятӣ ва ҳамватанони бурунмарзӣ ташкил мекунад;
    - ҷиҳати бо ҷойи кор таъмин намудан ва ҳалли мушкилоти  муҳоҷирони меҳнатӣ дар хориҷи кишвар тавассути диаспораҳои тоҷикон ва ҳамватанони бурунмарзӣ чораҷӯӣ менамояд; 
    - барои ҳавасманд намудани диаспораҳо ва ҳамватанони бурунмарзӣ бо мукофотҳои соҳавӣ ва давлатӣ, ки дар рушди соҳаҳои хоҷагии халқи Ҷумҳурии Тоҷикистон ва дастгирии муҳоҷирони меҳнатӣ дар хориҷи кишвар саҳм гузоштаанд, ба роҳбарияти вазорат пешниҳод манзур менамояд;

Вазифаҳо ва функсияҳои асосии Раёсати бозори меҳнат ва шуғли аҳолӣ

Раёсат дар доираи масъалаҳои ба салоҳияти он вогӯзоргардида вазифаҳои асосии зеринро амалӣ менамояд:

    - татбиқи функсияи Вазоратро оид ба таҳия ва амалӣ намудани сиёсати давлатӣ, танзими меъёрии ҳуқуқӣ дар самти бозори меҳнат ва шуғли аҳолӣ таъмин менамояд;
    - татбиқи вазифаҳо оид ба ҳамоҳангсозӣ ва назорати фаъолияти Агентии меҳнат ва шуғли аҳолии Вазоратро таъмин менамояд;
    - таъмини иттилоотӣ-таҳлилӣ ва ташкилии фаъолияти Вазоратро аз рӯи масъалаҳои ба салоҳияти Раёсат мансуббуда амалӣ месозад.
Вобаста ба вазифаҳои асосӣ Раёсат функсияҳои зеринр оамалӣ менамояд:
    - омода намудани пешниҳодҳо оид ба таҳия ва татбиқи сиёсати давлатӣ, танзими меъёрии ҳуқуқӣ дар самти бозори меҳнат ва шуғли аҳолӣ дар асоси таҳлил ва дурнамои рушди иҷтимоию иқтисодӣ, вазъи бозори меҳнат;
    - омода намудани пешниҳодҳо оид ба таъмини ҳимояи иҷтимоии шаҳрвандони бекор;
    - хулосабарорӣ намудани таҷрибаи истифодаи қонунгузорӣ дар самти шуғли аҳолӣ, таҳлили сабабҳои қонунвайронкунӣ ва омода намудани пешниҳодҳо оид такмили он;
    - омода ва баргузор намудани ҷаласаҳо, семнарҳо ва дигар чорабиниҳо аз рӯи масъалаҳое, ки ба салоҳияти Раёсат дохил мегарданд;
    - бо тартиби муаяннамудаи роҳбарияти Вазорат иштирок намудан дар кори Кумитаи ҷумҳуриявии ҳамоҳангсозии мусоидат ба шуғли аҳолӣ;
    - ба иттилои шаҳрвандон ва корфармоён расонидани ҳолати бозори меҳнат, ҳуқуқ ва кафолатҳо вобаста ба шуғли аҳолӣ ва ҳимояи бекорон;
    - таҳия ва такмили лоиҳаи санадҳои меъёрии ҳуқуқӣ;
    - ташкил намудани корҳо оид ба рушди омори шуғл, ташаккул, пешбурд ва истифодаи маҳзани маълумот дар бораи ҷойҳои кории холӣ ва талабот ба қувваи корӣ дар сатҳи ҷумҳуриявӣ, минтақавӣ ва маҳаллӣ;
    - ҷамъоварӣ, коркард ва таҳияву пешниҳод намудани маълумоти омори соҳаи шуғли аҳолӣ ба роҳбарияти вазорат;
    - дар ҳамкорӣ бо мақомоти дахлдори давлатӣ андешидани чораҳои зарурӣ ҷиҳати паст намудани шуғли ғайрирасмӣ;
    - дар якҷоягӣ бо вазорату идораҳои дахлдор, мақомоти иҷроияи маҳаллии ҳокимияти давлатӣ муайян намудани эҳтиёҷоти умумӣ ба ҷойҳои корӣ, иштирок дар таҳияи барномаҳои таъсис ва нигоҳдории ҷойҳои корӣ дар сатҳи ҷумҳуриявӣ, минтақавӣ ва маҳаллӣ бо назардошти дурнамои демографӣ;
    - дар якҷоягӣ бо Раёсати молия, таҳлил ва дурнамои Вазорат дар доираи салоҳияти Раёсат баррасӣ намудани пешниҳодҳо оид ба маблағгузории  Агентии меҳнат ва шуғли аҳолӣ, маблағгузориҳои барномаҳои давлатӣ дар самти бозори меҳнат ва шуғли аҳолӣ ва гузаронидани мониторинги истифодаи самаранок ва мақсадноки маблағҳо;
    - бо муовини Вазир - сарпарсти соҳа мувофиқа намудани нақшаи кории Агентии меҳнат ва шуғли аҳолӣ, баррасӣ намудани ҳисобот оид ба иҷрои нақшаи корӣ, инчунин нишондодҳои асосии фаъолияти Агентии мазкур дар доираи салоҳияти Раёсат;
    - иштирок дар масъалаҳо ҳангоми ба вазифа таъин ва аз вазифа озод намудани муовинони сардори Агентии меҳнат ва шуғли аҳолӣ;
    - бо тартиби муқаррагардида аз зерсохторҳои Вазорат, сохторҳои маҳаллии Агентии меҳнат ва шуғли аҳолӣ талаб намудани маводҳои зарурӣ ҷиҳати иҷрои вазифаҳои Раёсат;
    - дар якҷоягӣ бо Агентии меҳнат ва шуғли аҳолӣ омода намудани пешниҳодҳо ҷиҳати бақайдгирии электронии бекорон, ҷойҳои холии корӣ ва дигар хизматрасониҳои Агентии мазкур;
    - ба Вазир ирсол намудани пешниҳод дар бораи бекор намудани қарорҳои Агентии имеҳнат ва шуғли аҳолӣ, ки ба санадҳои меъёрии ҳуқуқӣ мухолифат менамоянд;
    - амалӣ намудани мониторинг ва баҳодиҳии сифат ва дастрасӣ ба хизматрасониҳои давлатӣ дар самти мусоидат ба шуғли аҳолӣ, самаранокии татбиқи чораҳои иловагӣ дар бозори меҳнат; 
    - андешидани тадбирҳо ҷиҳати васеъ намудани доираи  хизматрасониҳои Агентии меҳнат ва шуғли аҳолӣ; 
    - таҳия ва ба чоп омода намудани тавсияҳои методӣ оид ба пешниҳоди хизматрасонии давлатӣ ва иҷрои функсияҳои давлатӣ дар самти шуғли аҳолӣ;
    - омода намудани пешниҳодҳо ҷиҳати тадриҷан баланд бардоштани сатҳи шуғли пурмаҳсул дар соҳаҳои иқтисодиёт;  
    - ҳамкорӣ бо Ташкилоти Байналмилалии Меҳнат, дигар ташкилотҳои байналмилалӣ ва шарикони рушд вобаста ба масъалаҳои бозори меҳнат ва шуғли аҳолӣ ва муаррифӣ намудани манфиатҳо давлат;
    - андешидани чораҳо ҷиҳати раҳнамоӣ ва маслиҳатдиҳии касбии ҷавонон ва бекорон мутобиқи талаботи бозори дохилӣ ва хориҷии меҳнат;
    - омода намудани таклифҳо барои муқаррар намудани квота ҷиҳати бакортаъминнамоии шаҳрвандони ба ҳифзи иҷтимоӣ эҳтиёҷдошта ва дар бозори меҳнат осебпазир ва қобилияти рақобат надошта, андешидани тадбирҳо вобаста ба шаклҳои инклюзивии хизматрасонӣ ба ин табақаи аҳолӣ;
    - таҳия методологияи  таҳлил ва пешгӯии дурнамои вазъ дар бозори меҳнат ва шуғли аҳолӣ ва дар ҳолати зарурӣ такмил додани он;
    - омода намудани дурнамои нишододҳои асосии бозори меҳнат ва шуғли аҳолӣ дар давраи кӯтоҳмуҳлат ва миёнамуҳлат ҷиҳати  истифодаи босамари захираҳои меҳнатӣ;
    - таҳияи барномаҳои давлатӣ, минтақавӣ ва маҳаллии мусоидат ба шуғли аҳолӣ, барномаҳои сармоягузорӣ, гузаронидани мониторинг ва пешбурди назорати раванди татбиқи онҳо;
    - дар ҳамкорӣ бо дигар сохторҳои таркибии Вазорат омода намудани пешниҳодҳо вобаста ба татбиқи босамари сиёсати давлатӣ дар соҳаи мусоидат ба  шуғли аҳолӣ бо назардошти таҳлил ва пешгӯии рушди иҷтимоию иқтисодӣ, демографӣ ва вазъи бозори меҳнат;
    - таъминоти методии таҳия ва татбиқи барномаҳои мақсаднок оид ба мусоидат ба шуғлиа ҳолӣ, аз ҷумла тавассути рушди соҳибкорӣ ва худиштиғолӣ, омода намудани пешниҳодҳо оид ба татбиқи шуғли ба тағйирот тобовар;
    - таъмин намудани вазифаҳои Вазорат оид ба ҳамоҳангсозии фаъолияти вазорату идораҳои дахлдор, ташкилотҳои ҷамъиятию субъектҳои хоҷагидор новобаста аз шакли моликият, дар соҳаи меҳнат ва шуғли аҳолӣ;
    - омода намудани пешниҳодҳо ба лоиҳаи нақшаи корӣ ва нақшаи фаъолияти қонунэҷоднамоии Вазорат;
    - омода намудани маърӯзаҳо, ҳисоботҳо ва маводҳои зарурии муҳокимашаванда дар маҷлисҳои ҳайати мушовара ва дигар ҷамъомаду чорабиниҳо;
    - таҳлил ва ҷамъбасти нишондиҳандаҳои рушди иҷтимоию иқтисодии соҳаи дахлдор;

    Раёсати молия, таҳлил ва дурнамо дар фаъолияти худ Конститутсияи Ҷумҳурии Тоҷикистон, санадҳои меъёрии ҳуқуқии байналмилалие, ки Тоҷикистон онҳоро эътироф намудааст, қонунҳои конститутсионӣ, кодексҳо, қонунҳои Ҷумҳурии Тоҷикистон, қарору фармоишҳои Ҳукумати Ҷумҳурии Тоҷикистон, қарорҳои ҳайати мушовараи вазораро ба асос ва роҳбарӣ мегирад.

    Дар доираи санадҳои меъёрии ҳуқуқии Ҷумҳурии Тоҷикистон ва Низомномаи вазорат ва раёсат вазифаҳо ва функсияҳои асосии зеринро дар соҳаҳои муқарраргардидаи фаъолият амалӣ менамояд:

•     - вазъи меҳнат, муҳоҷират, бозори меҳнат ва шуғли аҳолӣ ва таҳсилоти ибтидоии касбӣ, таълими калонсолон ва рушди ҳунармандӣ аз рўи маълумоти омории соҳавие, ки ба соҳа тааллуқ доранд, мунтазам таҳлил ва пешгўӣ менамояд;
•     - оид ба таҳия ва татбиқи сиёсати давлатӣ дар соҳаҳои меҳнат, муҳоҷират, мусоидат ба шуғли аҳолӣ ва таҳсилоти ибтидоии касбӣ таълими калонсолон ва рушди ҳунармандӣ ба роҳбарияти вазорат таклифу пешниҳодҳо манзур менамояд;
•      - дар гузаронидани таҳлил ва баҳодиҳии ҳолати кунунии шуғлнокӣ ва шуғли ғайрирасмии аҳолӣ саҳм мегузорад; 
•     - дар таҳияи барномаҳои соҳавӣ, ки ба самтҳои меҳнат, муҳоҷират, шуғли аҳолӣ ва таҳсилоти ибтидоии касбӣ, таълими калонсолон ва рушди ҳунармандӣ нигаронида шудаанд, иштирок менамояд;
•      - якҷо бо сохторҳои вазорат барои рушди омори соҳавӣ, ташаккул, пешбурд ва истифодаи махзани маълумот дар бораи талабот ба қувваи корӣ, рафти муҳоҷирати меҳнатӣ ва рушди соҳаи таҳсилоти ибтидоии касбӣ, таълими калонсолон ва рушди ҳунармандӣ дар сатҳи ҷумҳуриявӣ, минтақавӣ ва маҳаллӣ ширкат меварзад;
•     - дар ҳамкорӣ бо сохторҳои вазорат оид ба самтҳои асосӣ ва афзалиятноки сиёсати давлатӣ дар соҳаҳои меҳнат, муҳоҷират ва шуғли аҳолӣ ва таҳсилоти ибтидоии касбӣ таълими калонсолон ва рушди ҳунармандӣ пешниҳод манзур менамояд;
•      - вазъи сатҳи зиндагии аҳолии ҷумҳуриро омўхта, таҳлил ва арзёбӣ мекунад; 
•     - барои нигоҳ доштани махзани маълумоте, ки дар равиши кор пайваста истифода бурда мешаванд, шароит муҳайё менамояд; 
•     - мониторинг ва таҳлили дурнамои соҳаро мегузаронад;
•     - мониторинг ва таҳлили барномаҳои соҳавии вазоратро мегузаронад
•     - ҳисоббарии тадқиқотҳои гузаронидашударо дар соҳаҳои иҷтимоию меҳнатӣ бо мақсади истифодаи минбаъда дар дурнамои соҳа анҷом медиҳад;
•     - сметаи ягона даромад ва хароҷоти дастгоҳи марказӣ ва чорабиниҳои марказонидашудаи вазоратро ба нақша гирифта, инчунин таҳлили истифодаи мақсадноки маблағҳои ба корхонаю муассисаҳои тобеи он воридгардидаро ба роҳ мемонад;
•     - аз роҳбарони муассисаҳои буҷетии вазорат оид ба ҳама гуна масъалаҳои ба салоҳияти Раёсат дахлдошта, маълумот талаб менамояд;
•     - тақсимоти мақсадноки маблағҳои буҷетии системаи вазорат, дастгоҳи марказӣ, чорабиниҳои марказонидашуда ва суратҳисоби махсусро таъмин менамояд;
•     - танзими муносибатҳои корӣ бо Вазорати молияи Ҷумҳурии Тоҷикистон, сохторҳо ва муассисаҳои давлатии таълимии системаи вазорат;
•     - истифодаи мақсадноки харҷномаи дастгоҳи марказии вазорат, сохторҳои системаи он чорабиниҳои марказонидашуда ва суратҳисоби махсус ба роҳ мемонад.

    Раёсати  робитаҳои байналмилалии тибқи қарорҳои Ҳукумати Ҷумҳурии Тоҷикистон аз 3 марти соли 2014, №146 «Дар бораи Вазорати меҳнат, муҳоҷират ва шуғли аҳолии Ҷумҳурии Тоҷикистон» ва аз 24 июли соли 2020, №418 «Дар бораи ворид намудани тағйиру иловаҳо ба баъзе қарорҳои Ҳукумати Ҷумҳурии Тоҷикистон» муқаррар шудааст, дар сохтори дастгоҳи марказии Вазорати меҳнат, муҳоҷират ва шуғли аҳолии Ҷумҳурии Тоҷикистон таъсис ёфтааст. 

    Раёсат фаъолияти худро дар асоси Конститутсияи Ҷумҳурии Тоҷикистон, қонунҳои Ҷумҳурии Тоҷикистон, санадҳои Маҷлиси Миллӣ ва Маҷлиси намояндагони Маҷлиси Олии Ҷумҳурии Тоҷикистон, Президенти Ҷумҳурии Тоҷикистон, Ҳукумати Ҷумҳурии Тоҷикистон, санадҳои байналмилалии эътирофнамудаи Ҷумҳурии Тоҷикистон, Низомномаи вазорат, қарору фармоишҳои вазорат ва  Низомномаи раёсат ба роҳ мемонад.

    Раёсат дар доираи салоҳиятҳои вогӯзоргардида вазифаҳои зеринро амалӣ менамояд:

•    - фаъолияти раёсату шуъбаҳои дастгоҳи марказӣ, хадамоту агентӣ ва муассисаҳои давлатии системаи Вазоратро дар самти робитахои байналмилалӣ ҳамоҳанг месозад;
•    - дар таҳия ва татбиқи созишномаҳои байниҳукуматию байнисоҳавӣ, иштирок намуда, оид ба масъалаҳои меҳнат, муҳоҷират, шуғли аҳолӣ, сатҳи зиндагии аҳолӣ, таҳсилоти ибтидоии касбӣ, таълими калонсолон ва рушди ҳунармандӣ таклифу пешниҳодҳо манзур менамояд;
•    - механизми гузаронидани расмиёти дохилидавлатиро ҷиҳати  тасвиб ва тасдиқи конвенсияҳо, созишномаҳо ва дигар санадҳои меъёрии ҳуқуқии байналмилалӣ тибқи тартиби муқарраргардида анҷом медиҳад;
•    - бо вазоратҳои соҳавии давлатҳои аъзои Иттиҳоди Давлатҳои Мустақил (ИДМ), Кумитаи иҷроияи ИДМ, Созмони Ҳамкориҳои Шанхай, Ташкилоти Байналмилалии Меҳнат, Созмони Милали Муттаҳид ва сохторҳои он, дигар созмону ташкилотҳои байналмилалию минтақавӣ ҳамкорӣ намуда, масъалаҳои марбут ба самтҳои вазоратро ҳамоҳанг менамояд;
•    - маърӯзаҳоро оид ба рафти иҷрои конвенсия ва тавсияномаҳои Ташкилоти Байналмилалии Меҳнат ва созишномаҳои аз ҷониби Ҷумҳурии Тоҷикистон эътирофгардида, ки ба салоҳияти Вазорат дахл доранд, якҷоя бо сохторҳои дахлдори он омода менамояд;
•    - тибқи тартиби муқарраргардида вохӯриҳои роҳбарияти Вазоратро бо роҳбарон ва намояндагони сафоратхонаҳо, созмонои байналмилалӣ, мутахассисону коршиносони хориҷ ва ташкилотҳои хориҷию ғайридавлатӣ дар мувофиқа бо Вазорати корҳои хориҷии Ҷумҳурии Тоҷикистон  бевосита ва ё тавассути видеоскайп ташкил менамояд;
•    - дар омода намудани маводи зарурӣ ҷиҳати сафарбар намудани кормандони дастгоҳи марказии вазорат ва сохторҳои он ба хориҷи кишвар  мусоидат менамояд;
•    - татбиқи лоиҳаҳои сармоягузории амалкунандаро ҳамоҳанг намуда, ҳангоми зарурат дар якҷоягӣ бо сохторҳои дахлдори вазорат дархостҳои лоиҳавиро таҳия ва ба шарикони рушд пешниҳод намояд;
•    - дар якҷоягӣ бо сохторҳои Вазорат маълумотҳоро оид ба вохўриҳо, вазъи лоиҳаҳои инвеститсионии амалкунанда, натиҷаи сафарҳои хизматии кормандони дастгоҳи марказӣ ва сохторҳои Вазорат ба хориҷи кишвар ва рафти иҷрои муқаррароти протоколҳои ҷаласаҳои Комиссияҳои байниҳукуматӣ омода менамояд;
•    - пешниҳоди Раёсатро барои дохил намудан ба нақшаи кори вазорат омода намуда, ба сохтори дахлдор манзур менамояд ва иҷрои чорабиниҳои банақшагирифтаро дар самти робитахои байналмилалӣ назорат мебарад;
•    - иҷрои амру фармонҳои Президенти Ҷумҳурии Тоҷикистон, қарорҳои Ҳукумати Ҷумҳурии Тоҷикистон, қарорҳои Ҳайати мушовараи Вазорат, фармоишҳои Вазир ва Нақшаи кори вазоратро вобаста ба самтҳои марбут ба салоҳияти Раёсат назорат ва иҷро менамояд;
•    - ҳисоботҳои семоҳа, нимсола, нуҳмоҳа ва солонаи Раёсатро омода ва барои ҷамъбаст пешниҳод менамояд;
•    - ба  раёсату шуъба ва  сохторҳои тобеи  Вазорат дар ҳалли масъалаҳои байналмилалӣ мусоидат менамояд;
•    - бо кормандони вазорату идораҳои дахлдор ҷиҳати ҳалли масъалаҳои байналмилалӣ ҳамкорӣ  менамояд;
•    - дигар масъалаҳоеро, ки ба салоҳияти Раёсат мансубанд, иҷро менамояд.    

Раёсати баҳисобгирии муҳосибии Вазорати меҳнат, муҳоҷират ва шуғли аҳолии Ҷумҳурии Тоҷикистон дар асоси Конститутсияи Ҷумҳурии Тоҷикистон, Қонуни конститутсионии Ҷумҳурии Тоҷикистон “Дар бораи Ҳукумати Ҷумҳурии Тоҷикистон”, қонунҳои Ҷумҳурии Тоҷикистон “Дар бораи низоми мақомоти идоракунии давлатии Ҷумҳурии Тоҷикистон”, “Дар бораи хизмати давлатӣ”, “Дар бораи баҳисобгирии муҳосибӣ ва ҳисоботи молиявӣ”, “Дар бораи молияи давлатии Ҷумҳурии Тоҷикистон, Низомномаи Вазорати меҳнат, муҳоҷират ва шуғли аҳолии Ҷумҳурии Тоҷикистон (минбаъд-Вазорат), дигар санадҳои меъёрии ҳуқуқӣ таҳия гардида, вазъи молиявӣ, ташкилӣ, сохтор, функсия, вазифа, тартиби фаъолияти Раёсати баҳисобгирии муҳосибии дастгоҳи марказии Вазоратро (минбаъд-Раёсат) муайян намуда, масъалаҳои умумиро вобаста ба фаъолияти Раёсат ба танзим медарорад.
  
Вазифаҳо ва функсияҳои асосии Раёсат
 
Раёсат дар доираи масъалаҳои ба салоҳияти он вогузоргардида вазифаҳои асосии зеринро амалӣ менамояд: 

     - дар  бораи раванд ва  натиҷагириҳои  фаъолияти молиявии  Вазорат  маълумоти пурра  ва  аниқро, ки он  барои  роҳбарӣ  ва  идоракунии  фаврӣ  зарур  аст,  тартиб  медиҳад; 

     - роҳбарии  методии  баҳисобгирии муҳосибавӣ ва  ҳисоботро  ба  амал бароварда,  аз  рӯи  дурусту  аниқ  ба  роҳ  мондани  ҷараёни  баҳисобгирӣ  ва  ҳисобот  дар  сметаҳои хароҷотии  Вазорат назорат  мекунад; 

     - таклифҳоро  дар  мавриди  дарёфти  захираҳои  иловагӣ,  беҳдошти  фаъолияти  молиявию  хоҷагидорӣ, хароҷоти  сарфакоронаю  мақсадноки  маблағҳои  давлатӣ, бартарафсозии  хароҷоту  талафоти  бесамар, болобарии сатҳи  самаранокии  истеҳсолот  ва  сифати  кор, таъмини  муҳофизати  моликияти  давлатиро  таҳия  ва  пешниҳод  менамояд;

     - ҳисоботҳои  молиявии ташкилотҳои тобеъро дастрас  ва  баррасӣ  намуда,  пас  аз  тафтиши  ҳисоботҳои  мазкур  аз  рӯи  ҷараёни  ислоҳотдарорӣ  ба онҳо  назорат  мебарад. Аз  рӯи  намудҳои  фаъолият  ҳисоботи  ҷамъбастиро  тартиб  дода, барои  дар  муҳлати  муқарраршуда  ба  унвони  суроғаҳои  муайян  пешниҳод  намудани  он  омодагӣ  мебинад;

    - маводҳоро баррасӣ намуда, хулосаҳоро мутобики тартиби муқараршуда оид ба аз ҳисоби тавозунҳо (баланс) баровардани камбудию норасоиҳо, корҳои манъшуда  ва ҳоказо  тайёр  мекунад;

       - дар баррасии масъалаҳо оид ба таъсис ва барҳамдиҳии корхонаҳо, муассисаҳо ва ташкилотҳои тобеи вазорат иштирок мекунад;

       - манфиатҳои вазоратро зимни баррасии масъалаҳое, ки бо ҳисобу китоб, ҳисобот ва назорати молиявӣ дахл доранд, манзур менамоянд;

    - дар доираи сметаҳои хароҷотии тасдиқшуда оиди гузаронидани тендерҳо (озмунҳо)–ро ҷиҳати хариди молу маҳсулот, сохтмон, таҷдиди иншоотҳое, ки маблағгузории он аз ҳисоби буҷети давлатӣ сурат мегирад, таклиф пешниҳод намуда, дар мавриди иҷроиши фаъолият бо молтаъминкунандагон ва пудратчиёни сектори шахсӣ, ки мушаххасан ва ошкоро муайян карда мешаванд, шартномаҳоро ба имзо мерасонад ва аз рӯи татбиқнамоии онҳо назорат мебарад;

     - маблағҳои воридшуда, арзишҳои молию моддӣ ва дигар воситаҳои асосӣ ва хароҷоту масрафи онҳоро дар баҳисобгирии муҳосибавӣ пурра ва сари вақт инъикос менамояд; 

     - тибқи тартиби муқарраргардида таҳия ва барои тасдиқ ба вазир пешниҳод намудани нақшаҳои кории (фаъолияти) солона, нимсолаи ва семоҳаи Раёсат назорат оид ба иҷрои он; 

     - иштирок дар таҳия ва пешниҳоди лоиҳаҳои қонунҳо, санадҳои меъёрии ҳуқуқии дахлдор ва ташкили таҳияи лоиҳаи санадҳои меъёрии ҳуқуқии Вазорат; 

     - омода намудани маърузаҳо, ҳисоботи вазир ва масълаҳои муҳокимашаванда дар маҷлисҳои ҳайати мушовара ва дигар ҷамъомаду чорабиниҳо;

     - иҷрои вазифа ва фунсияҳои дигар, ки дар асоси фармоишҳо ва қарорҳои мушовара ба уҳдаи Раёсат вогузор карда мешаванд;

     - риояи интизоми молиявӣ, истифодаи воситаҳои пулӣ ва моддиро тибқи таъиноти мустақим дар ташкилотҳои системаи Вазорат назорат намояд;

     - истифодаи мақсадноки маблағҳои сметаҳои даромад ва хароҷотии дастгоҳи марказии вазорат, чорабиниҳои марказонидашуда ва суратҳисоби махсусро таъмин намояд; 

     - ташкили робитаи ҳамкориро бо Вазорати молия, Сарраёсати Хазинадории Вазорати молия ва дигар вазорату идораҳои ҷумҳурӣ, инчунин ташкилоту муассисаҳои давлатии сохторҳои таркибии вазорат таъмин намояд;

     - иштироки бевосита дар омодасозии маводи зарурӣ барои ҷаласаҳои Ҳайати мушовараи вазорат оид ба натиҷаҳои ҳисоботҳои иҷроиши сметаҳои хароҷотии маблағҳои корхонаву муассисаҳои зертобеи вазорат; 

     - назорати истифодаи мақсаднок ва самараноки маблағҳои буҷетӣ  ва ғайрибуҷетӣ дар дастгоҳи марказӣ ва ташкилотҳои буҷетии системаи вазорат; 

     - ҳимоя намудани маълумотҳое, ки дорои сирри давлатӣ ҳастанд;

     - раёсат фаъолияти худро дар ҳамкорӣ бо дигар сохторҳои Вазорат дар асоси нақшаи чорабиниҳое, ки роҳбарияти Вазорат тасдиқ кардааст, амалӣ мегардонад;

     - омода намудани дастурамали мансабии мутахассисони Раёсат ва пешниход намудани он барои тасдиқ ба Вазир;

     - дар доираи қонунгузориҳои Ҷумҳурии Тоҷикистон пеш бурдани ҷобаҷогузорӣ, нигоҳдорӣ, баҳисобгирӣ ва истифодабарии ҳуҷҷатҳои бойгонӣ;

     - назорати риояи интизоми меҳнат дар Раёсат; 

    - вазифаҳое, ки дар Низомномаи мазкур пешбинӣ нашудаанд ва ба масъалаҳои ҳуқуқӣ дахл намекунанд, ба истиснои ҳолатҳои муқарраргардида, ба зиммаи  Раёсат вогузор карда намешаванд.