Начальник департамента пресс центра
Контакты
Приёмные дни
Начальник департамента права и кадровой политики
Контакты
Приёмные дни
Начальник департамента трудовых отношений и уровня жизни
Контакты
Приёмные дни
Начальник департамента миграции населения
Контакты
Приёмные дни
Начальник департамента рынка труда и занятости населения
Приёмные дни
Начальник Департамента начального профессионального образования, образования взрослых и развития ремесел
Контакты
Приёмные дни
Глава департамента финансов, анализа и прогнозирования
Контакты
Приёмные дни
Начальник департамента международных отношений
Приёмные дни
Начальник Департамента бухгалтерского учета
Контакты
Приёмные дни
Раёсати котибот фаъолиятро дар самтҳои коргузорӣ, назорат, ташкилӣ ва матбуот пеш мебарад. Вазифаҳои асосии дар ин самтҳо иборат аст:
а) дар самти коргузорӣ:
- ташкили дурусти коргузорӣ дар дастгоҳи марказии вазорат;
- таҳлили феҳрист ҷиҳати назорат ва дуруст ба расмият даровардани ҳуҷҷатҳо дар асоси дастурамали коргузории Вазорат;
- бақайдгирии ҳуҷҷатҳои воридотӣ ва содиротӣ ва ба масъулин тақсим намудани ҳуҷҷатҳои воридотӣ ҷиҳати таъмини иҷро вобаста ба мансубият;
- ташкили корҳо оид ба қабули шаҳрвандон вобаста ба масъалаҳои шахсӣ аз тарафи роҳбарияти Вазорат, кор бо мактубҳо;
- бурдани назорат аз рӯи риояи муҳлати иҷрои саривақтии ҳуҷҷатҳо ва ирсоли маълумот ва ҷавобҳо ба аризадиҳандагон ва ташкилоту муассисаҳое, ки аз онҳо мактуб ворид гаштааст;
- омода намудани муросилоти дохилшуда барои пешниҳод ба Вазир;
- сари вақт шинос намудани кормандони дастгоҳи марказии Вазорат ва зерсохторҳои он бо ҳуҷҷатҳо ва дигар супоришҳои Вазорат;
- бақайдгирии барқияву факсограммаҳо;
- дар муҳлатҳои муайяншуда ба бойгонии Вазорат супоридани ҳуҷҷатҳо, ба гурӯҳҳо ҷудо намудани онҳо ва ба расмият даровардани ҳуҷҷатҳои иҷрошуда дар парвандаҳо;
б) дар самти назорат:
Таъмини риояи талаботи Дастурамали намунавии коргузорӣ дар мақомоти давлатӣ, муассиса, корхона ва дигар ташкилотҳои Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 28 июли соли 2017, №358 ва Дастурамали коргузорӣ дар дастгоҳи марказии Вазорат дар самти интизоми иҷроия ва назорат вобаста ба муҳтавои супориш ва муҳлати иҷрои ҳуҷҷатҳои зерин:
- амру фармонҳои Президенти Ҷумҳурии Тоҷикистон;
- қарорҳои Ҳукумати Ҷумҳурии Тоҷикистон;
- фармоишҳои Ҳукумати Ҷумҳурии Тоҷикистон;
- иҷро ва пешниҳоди лоиҳаҳои санадҳои меъёрии ҳуқуқӣ;
- супоришҳои Ҳукумати Ҷумҳурии Тоҷикистон нисбати қарори Маҷлиси намояндагони Маҷлиси Олии Ҷумҳурии Тоҷикистон;
- супоришҳои Ҳукумати Ҷумҳурии Тоҷикистон нисбати қарори Шӯрои Маҷлиси намояндагони Маҷлиси Олии Ҷумҳурии Тоҷикистон (оид ба хулоса ба лоиҳаи қонунҳо);
- супориши Сарвазир ва муовинони Сарвазири Ҷумҳурии Тоҷикистон;
- супоришҳои Роҳбари Дастгоҳи иҷроияи Президенти Ҷумҳурии Тоҷикистон;
- Нақшаи чорабиниҳои Ҳукуматӣ;
- нусха аз Протоколҳои маҷлиси Раёсати Ҳукумати Ҷумҳурии Тоҷикистон;
- протоколҳои машваратҳои назди Роҳбари Дастгоҳи иҷроияи Президенти Ҷумҳурии Тоҷикистон ва муовинони ӯ;
- нақшаи чорабиниҳо, ки аз ҷониби Президенти Ҷумҳурии Тоҷикистон тасдиқ карда мешаванд (нимсола) солона;
- нақшаи кори Ҳукумати Ҷумҳурии Тоҷикистон.
- қарору протоколҳои маҷлисҳои Ҳайати мушовараи вазорат
- фармоишҳои вазир
в) дар самти ташкилӣ:
- ҳамоҳангсозии фаъолияти воҳидҳои сохторӣ ва сохторҳои таркибии вазорат ҷиҳати дар муҳлати муқарраршуда вобаста ба масъалаҳои баррасишаванда дар маҷлисҳои ҳайати мушовараи моҳона ва ҷамъбастӣ пешниҳод намудани маводи ва гирифтани манзурии Вазир дар хусуси пешниҳоди масъала ба баррасии маҷлиси Ҳайати мушовара;
- таҳияи лоиҳаи Нақшаи кори Вазорат барои нимсолаҳои якум ва дуюм ва пешниҳоди он ба баррасии маҷлиси Ҳайати мушовара;
- омода намудани пешниҳодҳои Вазоратро барои ворид намудан ба лоиҳаи Нақшаи кори Ҳукумати Ҷумҳурии Тоҷикистон барои нимсолаҳои якум ва дуюм;
- омодагӣ, даъват ва гузаронидани ҷаласаҳои Ҳайати мушовараи Вазорат;
- дар якҷоягӣ бо ҳайати котиботи маҷлис таҳияи протоколҳои маҷлисҳои Ҳайати мушовара такмили қарорҳои қабулгардида;
- таҳияи протоколҳои маҷлисҳои назоратии назди Вазир омода намудани мавод барои маҷлисҳои навбатӣ;
- ба қайд гирифтани қарорҳои маҷлиси Ҳайати мушовара ва фармоишҳои Вазорат;
- дар муҳлатҳои муқаррашуда баргузор намудани ҷаласаҳои Комиссия оид ба танзими анъана ва ҷашну маросимҳо дар дастгоҳи марказии Вазорат ва сохторҳои он;
г) дар самти матубот:
- тарғибу ташвиқи фаъолияти Вазорат ва сохторҳои онро тавассути васоити ахбори омма;
- таъмини иҷрои Фармони Президенти Ҷумҳурии Тоҷикистон аз 7 феврали соли 2009, №622 «Дар бораи вокуниши шахсони мансабдор ба маводҳои танқидӣ ва таҳлилии ВАО»-ро;
- ҳар нимсола баргузор намудани нишастҳои матбуотӣ оид ба фаъолияти Вазорат;
- баргузор намудани маҷлисҳои тантанавӣ бахшида ба иду ҷашнҳо омода намудани матни сухани табрикотии роҳбарияти вазорат ва номаҳои табрикотӣ;
- ҳамкорӣ бо васоити ахбори омма ва сомонаҳо ҷиҳати инъикоси фаъолияти вазорат ва сохторҳои он дар самти меҳнат, муҳоҷират, шуғли аҳолӣ, таҳсилоти ибтидоии касбӣ ва таълими калонсолон;
- фаъол нигоҳ доштани сомонаи вазорат, сари вақт ҷой додани хабару гузоришҳо дар бораи чорабиниҳои баргузоргардида ва навигариҳо дар самтҳои фаъолияти вазорат, назорати фаъолияти сомонаҳои сохторҳои вазорат;
- вокуниши саривақтӣ ба мақолаҳо ва хабарҳои таҳлилию танқидӣ;
- андешидани чораҳо ҷиҳати обунашавӣ ба рӯзномаю маҷаллаҳо дар дастгоҳи марказии вазорат ва сохторҳои он;
Раёсати ҳуқуқ ва сиёсати кадрҳо
Раёсати ҳуқуқ ва сиёсати кадрҳои Вазорати меҳнат, муҳоҷират ва шуғли аҳолии Ҷумҳурии Тоҷикистон, вазъи ҳуқуқӣ, ташкилӣ, сохтор, функсия, вазифа, тартиби фаъолияти Раёсати ҳуқуқ ва сиёсати кадрҳои Вазорати меҳнат, муҳоҷират ва шуғли аҳолии Ҷумҳурии Тоҷикистонро муайян намуда, масъалаҳои умумиро вобаста ба фаъолияти Раёсат дар самти ҳуқуқ, сиёсати кадрҳо ва корҳои махсус ба танзим медарорад.
Ба салоҳияти Раёсат масъалаҳо оид ба таҳия ва татбиқи сиёсати давлатӣ, танзими меъёрии ҳуқуқӣ сиёсати кадрҳо ва корҳои махсуси Раёсат ва дигар намудҳои таъмини пешбурди соҳа вогузор мегарданд.
Раёсат воҳиди сохтории Вазорати меҳнат, муҳоҷират ва шуғли аҳолии Ҷумҳурии Тоҷикистон буда, аз Сардор, Муовини сардор-Сардори шуъбаи кадрҳо, Сармутахасисон Мутахассисони пешбар ва Мутахассисон иборат мебошад.
Раёсат дар доираи масъалаҳои ба салоҳияти он вогузоргардида вазифаҳои асосии зеринро амалӣ менамояд:
- татбиқи функсияи вазоратро оид ба таҳия ва амалӣ намудани сиёсати давлатӣ, танзими меъёрии ҳуқуқӣ дар самти меҳнат, муҳоҷират, шуғли аҳолӣ, сатҳи зиндагии аҳолӣ, таҳсилоти касбӣ, таълими калонсолон ва рушди ҳунармандӣ, сиёсати кадрӣ ва корҳои махсус таъмин менамояд;
- татбиқи вазифаҳо оид ба ҳамоҳангсозӣ ва назорати фаъолияти сохторҳои вазоратро вобаста ба ҳуқуқ, сиёсати кадрӣ ва корҳои махсус таъмин менамояд;
Раёсат функсияҳои зеринро амалӣ менамояд:
- таҷрибаи пешқадами қонунгузориро дар соҳаи меҳнат, муҳоҷират, шуғли аҳолӣ, сатҳи зиндагии аҳолӣ, таҳсилоти касбӣ, таълими калонсолон ва рушди ҳунармандӣ, сиёсати кадрӣ ва корҳои махсус омӯхта, онҳоро такмил медиҳад;
- фаъолияти раёсату шуъбаҳои дастгоҳи марказӣ ва хадамоту агентӣ ва муассисаҳои давлатии системаи вазоратро дар самти таҳияи санадҳои меъёрии ҳуқуқӣ, сиёсати кадрӣ ва корҳои махсус ҳамоҳанг месозад;
- оид ба ворид намудани тағйироту иловаҳо ва такмил додани қонунгузории ҷории марбут ба соҳаҳои фаъолияти Вазорат, таклифҳо пешниҳод мекунад;
- мувофиқати санадҳои меъёрии ҳуқуқии вазоратро бо қонунгузории ҷорӣ таъмин менамояд;
- лоиҳаи фармоишҳо, дастурҳо, низомнома ва дигар ҳуҷҷатҳои хусусияти ҳуқуқидоштае, ки ба имзои роҳбарияти Вазорат пешниҳод мешаванд, ба талаботи қонунгузории ҷорӣ мутобиқ менамояд;
- омода сохтани пешниҳодот дар хусуси такмили сохтори дастгоҳи марказии Вазорат ва сохторҳои таркибии он ҷиҳати аз байн бурдани такроршавии вазифаҳо;
- расонидани ёрии амалӣ ба кори раёсату шуъбаҳо ва муассисаҳои тобеи Вазорат дар ҳалли масъалаҳои ҳуқуқӣ, сиёсати кадрӣ ва корҳои махсуси ба салоҳияташон марбутбуда;
- иштирок дар таҳия ва такмили лоиҳаҳои санадҳои меъёрию ҳуқуқӣ дар соҳаи меҳнат, муҳоҷират, шуғли аҳолӣ, сатҳи зиндагии аҳолӣ, таҳсилоти касбӣ, таълими калонсолон ва рушди ҳунармандӣ, сиёсати кадрӣ ва корҳои махсус;
- ҳимоя намудани манфиатҳои Вазорат дар судҳои Ҷумҳурии Тоҷикистон;
- иштирок намудан дар таҳияи созишномаҳои байнидавлатӣ;
- иштирок намудан дар кори комиссияҳои байниҳукуматӣ оид ба масъалаҳои соҳаи меҳнат, муҳоҷират, шуғли аҳолӣ, сатҳи зиндагии аҳолӣ, таҳсилоти касбӣ ва таълими калонсолон, рушди ҳунармандӣ;
- пешниҳод намудани таклифҳо дар пешбурди масъалаҳо вобаста ба пешгирии ҳолатҳои коррупсионӣ дар дастгоҳи марказӣ ва сохторҳои таркибии вазорат ва иштирок дар таъмини иҷрои чорабиниҳои нақшаи амали Стратегияи муқовимат ба коррупсия дар Ҷумҳурии Тоҷикистон;
- иштирок дар кори комиссияҳои озмуни ишғоли мансабҳои холии маъмурии хизмати давлатӣ, аттестатсия хизматчиёни давлатӣ ва одоб ҷиҳати риояи қонунгузорӣ;
- иштирок дар корҳои омодасозии лоиҳаи фармоишҳо ва қарорҳои Ҳайати мушовараи Вазорат;
- санҷиш ва ба талаботи қонунгузории ҷорӣ мутобиқ намудани лоиҳаи фармоишҳо, дастурҳо, низомнома ва дигар ҳуҷҷатҳои хусусияти ҳуқуқидоштае, ки ба имзои роҳбарияти Вазорат пешниҳод мешаванд;
- назорат аз болои мувофиқати фармоишҳо ва қарорҳое, ки роҳбарони сохторҳои тобеи Вазорат қабул менамоянд ва андешадани чораҳо барои тағйир додан ва ё бекор намудани он қарорҳое, ки бидуни риояи қонунгузории ҷорӣ ба тасвиб расидаанд;
- ташкили робитаи корӣ бо кормандони Дастгоҳи иҷроияи Президенти Ҷумҳурии Тоҷикистон, Маҷлиси намояндагони Маҷлиси Олии Ҷумҳурии Тоҷикистон оид ба масъалаҳои таҳияи лоиҳаи санадҳои меъёрии ҳуқуқӣ;
- мустаҳкам намудани интизом, муташаккилӣ, фароҳам овардани шароити мусоид, пешгирии муноқишаҳои меҳнатӣ дар воҳидҳои сохтории Вазорат;
- омода намудани пешниҳодот дар хусуси тадбирҳои ҳимояи ҳуқуқ ва манфиатҳои кормандони Вазорат дар мавридҳои ихтисоршавӣ ва тағйири сохтор;
- дигар вазифа ва функсияҳои вобаста ба сиёсати кадрӣ ва корҳои махсус.
Раёсат дар доираи масъалаҳои ба салоҳияти он вогӯзоргардида вазифаҳои асосии зеринро амалӣ менамояд:
Вобаста ба вазифаҳои асосӣ Раёсат функсияҳои зеринро амалӣ менамояд:
Дар соҳаи меъёрбандӣ, музди меҳнат ва сатҳи зиндагии аҳолӣ
Дар соҳаи бехатарӣ ва шароити меҳнат:
Дар соҳаи шарикии иҷтимоӣ
Раёсати муҳоҷирати аҳолии Вазорати меҳнат, муҳоҷират ва шуғли аҳолии Ҷумҳурии Тоҷикистон
1. Ба салоҳияти Раёсат пешбурди масъалаҳо оид ба таҳия ва татбиқи сиёсати давлатӣ, танзими меъёрии ҳуқуқии соҳаи муҳоҷирати ахолӣ ва ҳамкори бо диаспораҳои тоҷикон ва ҳамватанони бурунмарзӣ ворид мегарданд.
2. Раёсат таҳти роҳбарии Вазири меҳнат, муҳоҷират ва шуғли аҳолии Ҷумҳурии Тоҷикистон (минбаъд - Вазир) ва муовини Вазир - сарпарасти соҳа фаъолият мекунад.
3. Раёсат аз сардор, муовини сардор - сардори шуъба, сармутахассисон, мутахассисони пешбар ва мутахасисониборат мебошад.
Вазифаҳои асосии Раёсати муҳоҷирати аҳолӣ
Раёсат дар доираи масъалаҳои ба салоҳияти он вогузоргардида вазифаҳои асосии зеринро амалӣ менамояд:
- татбиқи функсияи вазоратро оид ба таҳия ва амалӣ намудани сиёсати давлатӣ, танзими меъёрии ҳуқуқӣ дар самти муҳоҷирати аҳолӣ, диаспораҳо ва ҳамватанони бурунмарзӣ таъмин менамояд;
- татбиқи вазифаҳо оид ба ҳамоҳангсозӣ ва назорати фаъолияти Хадамоти муҳоҷират, Намояндагиҳои Вазорат дар хориҷа, Муассисаи давлатии “Агентии бокортаъминкунӣ дар хориҷа”-ро таъмин менамояд;
- таъмини иттилоотӣ-таҳлилӣ ва ташкилии фаъолияти вазоратро аз рӯи масъалаҳои ба салоҳияти Раёсат мансуб буда амалӣ месозад.
Вобаста ба вазифаҳои асосӣ Раёсат функсияҳои зеринро амалӣ менамояд:
- оид ба ташаккули сиёсати давлатии дар самти муҳоҷирати аҳолӣ лоиҳаҳои санадҳои меъёрии ҳуқуқӣ ва барномаҳои дахлдор таҳия ва корҳоро ҷиҳати татбиқи онҳо ташкил менамояд;
- дурнамои раванди муҳоҷирати дохилӣ ва хориҷиро меомӯзад ва ба Ҳукумати Ҷумҳурии Тоҷикистон таклифҳо пешниҳод менамояд;
- фаъолияти вазорату идораҳо, мақомоти иҷроияи маҳаллии ҳокимияти давлатӣ, муассиса ва ташкилотҳоро дар соҳаи муҳоҷирати аҳолӣ ҳамоҳанг месозад;
- расонидани хизматҳои машваратӣ, ҳуқуқӣ, иҷтимоӣ ва ғайраро ба муҳоҷирони меҳнатӣ, дохилӣ (ихтиёрӣ), экологӣ ва аъзои оилаи онҳо ташкил менамояд;
- раванди муҳоҷирати аҳолиро таҳлил намуда, барномаҳо ва дурнамои соҳаро таҳия менамояд;
- ба Ҳукумати Ҷумҳурии Тоҷикистон оид ба квотаи муҳоҷирати хориҷӣ ва ҷалби қувваи кории хориҷӣ ба Ҷумҳурии Тоҷикистон пешниҳод манзур менамояд;
- ҷамъоварӣ ва таҳлили маълумоти омориро дар соҳаи муҳоҷирати аҳолӣ мутобиқ ба методологияи омори расмӣ амалӣ менамояд;
- дар ҳамкорӣ бо мақомоти дахлдори давлатӣ кӯчонидани муҳоҷирони экологиро аз минтақаҳои хавфнок ва экзогенӣ ба мавзеъҳои бехавф, инчунин аз маҳалҳои кӯҳӣ, наздикӯҳӣ, ноҳияҳои сераҳолӣ ва камзамин ба ноҳияҳои дорои захираҳои кофии замин кӯчонидани хоҷагиҳоро амалӣ менамояд;
- дар соҳаи муқарраршудаи фаъолият ҳамкориро бо диаспораҳо, ташкилотҳои ҷамъиятӣ ва ҳамватанони бурунмарзӣ ташкил мекунад;
- ҷиҳати бо ҷойи кор таъмин намудан ва ҳалли мушкилоти муҳоҷирони меҳнатӣ дар хориҷи кишвар тавассути диаспораҳои тоҷикон ва ҳамватанони бурунмарзӣ чораҷӯӣ менамояд;
- барои ҳавасманд намудани диаспораҳо ва ҳамватанони бурунмарзӣ бо мукофотҳои соҳавӣ ва давлатӣ, ки дар рушди соҳаҳои хоҷагии халқи Ҷумҳурии Тоҷикистон ва дастгирии муҳоҷирони меҳнатӣ дар хориҷи кишвар саҳм гузоштаанд, ба роҳбарияти вазорат пешниҳод манзур менамояд;
Вазифаҳо ва функсияҳои асосии Раёсати бозори меҳнат ва шуғли аҳолӣ
Раёсат дар доираи масъалаҳои ба салоҳияти он вогӯзоргардида вазифаҳои асосии зеринро амалӣ менамояд:
- татбиқи функсияи Вазоратро оид ба таҳия ва амалӣ намудани сиёсати давлатӣ, танзими меъёрии ҳуқуқӣ дар самти бозори меҳнат ва шуғли аҳолӣ таъмин менамояд;
- татбиқи вазифаҳо оид ба ҳамоҳангсозӣ ва назорати фаъолияти Агентии меҳнат ва шуғли аҳолии Вазоратро таъмин менамояд;
- таъмини иттилоотӣ-таҳлилӣ ва ташкилии фаъолияти Вазоратро аз рӯи масъалаҳои ба салоҳияти Раёсат мансуббуда амалӣ месозад.
Вобаста ба вазифаҳои асосӣ Раёсат функсияҳои зеринр оамалӣ менамояд:
- омода намудани пешниҳодҳо оид ба таҳия ва татбиқи сиёсати давлатӣ, танзими меъёрии ҳуқуқӣ дар самти бозори меҳнат ва шуғли аҳолӣ дар асоси таҳлил ва дурнамои рушди иҷтимоию иқтисодӣ, вазъи бозори меҳнат;
- омода намудани пешниҳодҳо оид ба таъмини ҳимояи иҷтимоии шаҳрвандони бекор;
- хулосабарорӣ намудани таҷрибаи истифодаи қонунгузорӣ дар самти шуғли аҳолӣ, таҳлили сабабҳои қонунвайронкунӣ ва омода намудани пешниҳодҳо оид такмили он;
- омода ва баргузор намудани ҷаласаҳо, семнарҳо ва дигар чорабиниҳо аз рӯи масъалаҳое, ки ба салоҳияти Раёсат дохил мегарданд;
- бо тартиби муаяннамудаи роҳбарияти Вазорат иштирок намудан дар кори Кумитаи ҷумҳуриявии ҳамоҳангсозии мусоидат ба шуғли аҳолӣ;
- ба иттилои шаҳрвандон ва корфармоён расонидани ҳолати бозори меҳнат, ҳуқуқ ва кафолатҳо вобаста ба шуғли аҳолӣ ва ҳимояи бекорон;
- таҳия ва такмили лоиҳаи санадҳои меъёрии ҳуқуқӣ;
- ташкил намудани корҳо оид ба рушди омори шуғл, ташаккул, пешбурд ва истифодаи маҳзани маълумот дар бораи ҷойҳои кории холӣ ва талабот ба қувваи корӣ дар сатҳи ҷумҳуриявӣ, минтақавӣ ва маҳаллӣ;
- ҷамъоварӣ, коркард ва таҳияву пешниҳод намудани маълумоти омори соҳаи шуғли аҳолӣ ба роҳбарияти вазорат;
- дар ҳамкорӣ бо мақомоти дахлдори давлатӣ андешидани чораҳои зарурӣ ҷиҳати паст намудани шуғли ғайрирасмӣ;
- дар якҷоягӣ бо вазорату идораҳои дахлдор, мақомоти иҷроияи маҳаллии ҳокимияти давлатӣ муайян намудани эҳтиёҷоти умумӣ ба ҷойҳои корӣ, иштирок дар таҳияи барномаҳои таъсис ва нигоҳдории ҷойҳои корӣ дар сатҳи ҷумҳуриявӣ, минтақавӣ ва маҳаллӣ бо назардошти дурнамои демографӣ;
- дар якҷоягӣ бо Раёсати молия, таҳлил ва дурнамои Вазорат дар доираи салоҳияти Раёсат баррасӣ намудани пешниҳодҳо оид ба маблағгузории Агентии меҳнат ва шуғли аҳолӣ, маблағгузориҳои барномаҳои давлатӣ дар самти бозори меҳнат ва шуғли аҳолӣ ва гузаронидани мониторинги истифодаи самаранок ва мақсадноки маблағҳо;
- бо муовини Вазир - сарпарсти соҳа мувофиқа намудани нақшаи кории Агентии меҳнат ва шуғли аҳолӣ, баррасӣ намудани ҳисобот оид ба иҷрои нақшаи корӣ, инчунин нишондодҳои асосии фаъолияти Агентии мазкур дар доираи салоҳияти Раёсат;
- иштирок дар масъалаҳо ҳангоми ба вазифа таъин ва аз вазифа озод намудани муовинони сардори Агентии меҳнат ва шуғли аҳолӣ;
- бо тартиби муқаррагардида аз зерсохторҳои Вазорат, сохторҳои маҳаллии Агентии меҳнат ва шуғли аҳолӣ талаб намудани маводҳои зарурӣ ҷиҳати иҷрои вазифаҳои Раёсат;
- дар якҷоягӣ бо Агентии меҳнат ва шуғли аҳолӣ омода намудани пешниҳодҳо ҷиҳати бақайдгирии электронии бекорон, ҷойҳои холии корӣ ва дигар хизматрасониҳои Агентии мазкур;
- ба Вазир ирсол намудани пешниҳод дар бораи бекор намудани қарорҳои Агентии имеҳнат ва шуғли аҳолӣ, ки ба санадҳои меъёрии ҳуқуқӣ мухолифат менамоянд;
- амалӣ намудани мониторинг ва баҳодиҳии сифат ва дастрасӣ ба хизматрасониҳои давлатӣ дар самти мусоидат ба шуғли аҳолӣ, самаранокии татбиқи чораҳои иловагӣ дар бозори меҳнат;
- андешидани тадбирҳо ҷиҳати васеъ намудани доираи хизматрасониҳои Агентии меҳнат ва шуғли аҳолӣ;
- таҳия ва ба чоп омода намудани тавсияҳои методӣ оид ба пешниҳоди хизматрасонии давлатӣ ва иҷрои функсияҳои давлатӣ дар самти шуғли аҳолӣ;
- омода намудани пешниҳодҳо ҷиҳати тадриҷан баланд бардоштани сатҳи шуғли пурмаҳсул дар соҳаҳои иқтисодиёт;
- ҳамкорӣ бо Ташкилоти Байналмилалии Меҳнат, дигар ташкилотҳои байналмилалӣ ва шарикони рушд вобаста ба масъалаҳои бозори меҳнат ва шуғли аҳолӣ ва муаррифӣ намудани манфиатҳо давлат;
- андешидани чораҳо ҷиҳати раҳнамоӣ ва маслиҳатдиҳии касбии ҷавонон ва бекорон мутобиқи талаботи бозори дохилӣ ва хориҷии меҳнат;
- омода намудани таклифҳо барои муқаррар намудани квота ҷиҳати бакортаъминнамоии шаҳрвандони ба ҳифзи иҷтимоӣ эҳтиёҷдошта ва дар бозори меҳнат осебпазир ва қобилияти рақобат надошта, андешидани тадбирҳо вобаста ба шаклҳои инклюзивии хизматрасонӣ ба ин табақаи аҳолӣ;
- таҳия методологияи таҳлил ва пешгӯии дурнамои вазъ дар бозори меҳнат ва шуғли аҳолӣ ва дар ҳолати зарурӣ такмил додани он;
- омода намудани дурнамои нишододҳои асосии бозори меҳнат ва шуғли аҳолӣ дар давраи кӯтоҳмуҳлат ва миёнамуҳлат ҷиҳати истифодаи босамари захираҳои меҳнатӣ;
- таҳияи барномаҳои давлатӣ, минтақавӣ ва маҳаллии мусоидат ба шуғли аҳолӣ, барномаҳои сармоягузорӣ, гузаронидани мониторинг ва пешбурди назорати раванди татбиқи онҳо;
- дар ҳамкорӣ бо дигар сохторҳои таркибии Вазорат омода намудани пешниҳодҳо вобаста ба татбиқи босамари сиёсати давлатӣ дар соҳаи мусоидат ба шуғли аҳолӣ бо назардошти таҳлил ва пешгӯии рушди иҷтимоию иқтисодӣ, демографӣ ва вазъи бозори меҳнат;
- таъминоти методии таҳия ва татбиқи барномаҳои мақсаднок оид ба мусоидат ба шуғлиа ҳолӣ, аз ҷумла тавассути рушди соҳибкорӣ ва худиштиғолӣ, омода намудани пешниҳодҳо оид ба татбиқи шуғли ба тағйирот тобовар;
- таъмин намудани вазифаҳои Вазорат оид ба ҳамоҳангсозии фаъолияти вазорату идораҳои дахлдор, ташкилотҳои ҷамъиятию субъектҳои хоҷагидор новобаста аз шакли моликият, дар соҳаи меҳнат ва шуғли аҳолӣ;
- омода намудани пешниҳодҳо ба лоиҳаи нақшаи корӣ ва нақшаи фаъолияти қонунэҷоднамоии Вазорат;
- омода намудани маърӯзаҳо, ҳисоботҳо ва маводҳои зарурии муҳокимашаванда дар маҷлисҳои ҳайати мушовара ва дигар ҷамъомаду чорабиниҳо;
- таҳлил ва ҷамъбасти нишондиҳандаҳои рушди иҷтимоию иқтисодии соҳаи дахлдор;
Зинаи таҳсилоти ибтидоии касбӣ дар шароити кунунӣ яке аз зинаҳои афзалиятноки таҳсилоти касбӣ дар ҷумҳурӣ буда, барои баланд бардоштани иқтидори захираҳои инсонӣ ва соҳибкасб намудани шаҳрвандон саҳми босазо мегузорад.
Бо дастгирии бевоситаи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаи таҳсилоти ибтидоии касбӣ сол то сол рушд ёфта истодааст.
Айни ҳол дар сохтори Вазорати меҳнат, муҳоҷират ва шуғли аҳолии Ҷумҳурии Тоҷикистон 62 муассисаи таҳсилоти ибтидоии касбӣ (11-то дар шаҳри Душанбе, 18-то дар вилояти Хатлон, 22-то дар вилояти Суғд, 1-то дар Вилояти Мухтори Кӯҳистони Бадахшон, 10-то дар ноҳияҳои тобеи ҷумҳурӣ) фаъолият дорад.
Муассисаҳои таҳсилоти ибтидоии касбӣ имрӯз аз рӯи 14 самт (иқтисодиёт, техника ва технология, нақлиёт, техникаи радиоэлектронӣ, энергетика, саноати кимиёвӣ, саноати сабук, саноати кӯҳӣ, меъморӣ ва сохтмон, кишоварзӣ, металлургия, телекоммуникатсия, сайёҳӣ ва меҳмондорӣ, хизмати маишӣ ва хӯроки умумӣ) ва 97 ихтисос барои иқтисодиёти миллӣ мутахассис тайёр менамояд.
Дар муассисаҳои таълимии мазкур ба ҳолати 1 январи соли 2022 20 ҳазору 757 хонанда таҳсил менамоянд, ки аз ин 4 ҳазору 052 нафарро духтарон ташкил медиҳанд.
Раёсати молия, таҳлил ва дурнамо дар фаъолияти худ Конститутсияи Ҷумҳурии Тоҷикистон, санадҳои меъёрии ҳуқуқии байналмилалие, ки Тоҷикистон онҳоро эътироф намудааст, қонунҳои конститутсионӣ, кодексҳо, қонунҳои Ҷумҳурии Тоҷикистон, қарору фармоишҳои Ҳукумати Ҷумҳурии Тоҷикистон, қарорҳои ҳайати мушовараи вазораро ба асос ва роҳбарӣ мегирад.
Дар доираи санадҳои меъёрии ҳуқуқии Ҷумҳурии Тоҷикистон ва Низомномаи вазорат ва раёсат вазифаҳо ва функсияҳои асосии зеринро дар соҳаҳои муқарраргардидаи фаъолият амалӣ менамояд:
Раёсати робитаҳои байналмилалии тибқи қарорҳои Ҳукумати Ҷумҳурии Тоҷикистон аз 3 марти соли 2014, №146 «Дар бораи Вазорати меҳнат, муҳоҷират ва шуғли аҳолии Ҷумҳурии Тоҷикистон» ва аз 24 июли соли 2020, №418 «Дар бораи ворид намудани тағйиру иловаҳо ба баъзе қарорҳои Ҳукумати Ҷумҳурии Тоҷикистон» муқаррар шудааст, дар сохтори дастгоҳи марказии Вазорати меҳнат, муҳоҷират ва шуғли аҳолии Ҷумҳурии Тоҷикистон таъсис ёфтааст.
Раёсат фаъолияти худро дар асоси Конститутсияи Ҷумҳурии Тоҷикистон, қонунҳои Ҷумҳурии Тоҷикистон, санадҳои Маҷлиси Миллӣ ва Маҷлиси намояндагони Маҷлиси Олии Ҷумҳурии Тоҷикистон, Президенти Ҷумҳурии Тоҷикистон, Ҳукумати Ҷумҳурии Тоҷикистон, санадҳои байналмилалии эътирофнамудаи Ҷумҳурии Тоҷикистон, Низомномаи вазорат, қарору фармоишҳои вазорат ва Низомномаи раёсат ба роҳ мемонад.
Раёсат дар доираи салоҳиятҳои вогӯзоргардида вазифаҳои зеринро амалӣ менамояд:
Раёсати баҳисобгирии муҳосибии Вазорати меҳнат, муҳоҷират ва шуғли аҳолии Ҷумҳурии Тоҷикистон дар асоси Конститутсияи Ҷумҳурии Тоҷикистон, Қонуни конститутсионии Ҷумҳурии Тоҷикистон “Дар бораи Ҳукумати Ҷумҳурии Тоҷикистон”, қонунҳои Ҷумҳурии Тоҷикистон “Дар бораи низоми мақомоти идоракунии давлатии Ҷумҳурии Тоҷикистон”, “Дар бораи хизмати давлатӣ”, “Дар бораи баҳисобгирии муҳосибӣ ва ҳисоботи молиявӣ”, “Дар бораи молияи давлатии Ҷумҳурии Тоҷикистон, Низомномаи Вазорати меҳнат, муҳоҷират ва шуғли аҳолии Ҷумҳурии Тоҷикистон (минбаъд-Вазорат), дигар санадҳои меъёрии ҳуқуқӣ таҳия гардида, вазъи молиявӣ, ташкилӣ, сохтор, функсия, вазифа, тартиби фаъолияти Раёсати баҳисобгирии муҳосибии дастгоҳи марказии Вазоратро (минбаъд-Раёсат) муайян намуда, масъалаҳои умумиро вобаста ба фаъолияти Раёсат ба танзим медарорад.
Вазифаҳо ва функсияҳои асосии Раёсат
Раёсат дар доираи масъалаҳои ба салоҳияти он вогузоргардида вазифаҳои асосии зеринро амалӣ менамояд: