Санаи 2 апрели соли 2025 бо ташаббуси Бонки Ҷаҳонӣ маросими ҷамъбасти озмуни “Эътирофи қаҳрамонони гендерӣ дар Тоҷикистон” баргузор гардид. Озмуни мазкур байни лоиҳаҳои амалишавандаи Бонки Ҷаҳонӣ баргузор шуда, дар он Вазорати меҳнат, муҳоҷират ва шуғли аҳолии Ҷумҳурии Тоҷикистон низ ширкат намуд.

Байни номзадҳо Вазорати меҳнат, муҳоҷират ва шуғли аҳолии Ҷумҳурии Тоҷикистон барои саҳм гузоштан дар таҳрири Кодекси меҳнат ва кам кардани рӯйхати касбҳои манъшуда барои занон ғолиб эълон шуда, сазовори Ҷоиза ва шаҳодатнома гардид.