Варзиш - омили муҳими солимӣ ва машғул гардидан ба он ифодагари баҳамоӣ, сулҳу оромӣ ва таҳкимбахши дӯстию рафоқат миёни аҳли ҷомеа мебошад. Барои мо – ҷавонон ҳамчун созандагони боэътимоди Ватан мояи ифтихор ва сарбаландист, ки дар партави сиёсати дурандешона ва варзишпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сол аз сол соҳаи варзиш ба дастовардҳои назаррас ноил гаштаву варзишгарони мо низ ба комёбиҳои баланд расида истодаанд.

Ҳамин аст, ки бо ташаббуси роҳбарияти Вазорати меҳнат, муҳоҷират ва шуғли аҳолии Ҷумҳурии Тоҷикистон байни сохторҳои вазорат дар шаҳри Душанбе дар доираи баргузории рӯзи ҷавонони Тоҷикистон  мусобиқаҳои гуногуни варзишӣ гузаронида шуданд.

Ин мусобиқаҳои варзишӣ барҳақ аз оммавӣ гардидани варзиш дарак медиҳанду кормандони вазорат бошанд барои обу тоб додани бадан фаъолона дар ин гуна бозиҳои варзишӣ иштирок меварзанд.

Маврид ба қайд, аст, ки дар вазорат  мусобиқаҳои варзишии волейбол, футбол, шоҳмот ва шашка ташкил ва баргузор гардид, ки дастаҳо ширкати фаъолона доштанд.

Даври ҷамъбастии мусобиқаҳои варзишӣ, ки дар  МД Истироҳатгоҳи коргарҷавонони “Ромит” баргузор гардид, ғолибон бо сипоснома ва туҳфаҳои хотиравӣ аз ҷониби муовинони вазир Ализода Алишер Ҳикматулло ва Давлатзода Қиёмиддин  қадрдони карда шуданд.  

Маврид ба зикр аст, ки кормандони вазорат ва сохторҳои он дар шаҳру навоҳии кишвар мунтазам баҳри оммавӣ гардонидани варзиш ва тарғибу ташвиқи он саҳми назарраси худро мегузоранд.

Ғолибони мусобиқаҳои варзишии волейбол, футбол, шашка ва шоҳмот