Дар доираи Барномаи давлатии мусоидат ба шуғли аҳолии Ҷумҳурии Тоҷикистон барои солҳои 2023-2027 дар нимсолаи аввали соли 2024 аз ҷониби корфармоён 4300 нафар бекорони дар қайди мақомоти давлатии шуғли аҳолӣ буда, ба корҳои ҷамъиятӣ фаро гирифта шуданд, ки ин нишондод 61,4 фоизи пешгўии солонаи барномаро ташкил медиҳад.

Дар миқёси вилоят ва шаҳру ноҳияҳои ҷумҳурӣ бошад, дар давраи ҳисоботӣ дар ВМКБ 367 нафар, вилояти Хатлон 1367, вилояти Суғд 1129, шаҳри Душанбе 210 ва ноҳияҳои тобеи ҷумҳурӣ 1227 нафар шаҳрвандони бекор ба корҳои муздноки ҷамъиятӣ ҷалб гардиданд. Бояд қайд намуд, ки аз шумораи зикргардида дар ин давра 881 нафар муҳоҷирони меҳнатии ба Ватан бозгашта ба иҷрои корҳои ҷамъиятии музднок ҷалб карда шуданд.

Таҳлили сохтори ташкилии корҳои ҷамъиятии музднок нишон дод, ки дар давраи ҳисоботӣ 1100 нафар (25,6%) ба корҳои кабудизоркунию ободонӣ, 450 нафар ба корҳои соҳилмустаҳкамкунӣ (10,5%), 500 нафар барои ободонии ҷангалҳо (11,6%), 200 нафар корҳои обёрӣ ва ирригатсионӣ (4,6%), 210 нафар ба иҷрои корҳои ҷудогона дар сохтмони роҳ (4,9%), 250 нафар ба бунёди боғ (5,8%), 380 нафар барои тоза намудани ҷўйю канал (8,8%), 430 нафар ба кандан ва маҳкам намудани соҳил (10,0), 110 ба кашидани хату барқ (2,6%), 120 нафар ба кандани чуқурӣ барои ниҳол (2,8%) ва 550 нафар барои дигар намуди корҳо (12,8) сафарбар гардидаанд.  

Маҷмўан дар давраи ҳисоботӣ аз рўи 11 номгўи корҳои ҷамъиятӣ корҳо ба иҷро расидаанд, ки 25,5 фоизи номгўи корҳои ҷамъиятии музднокро ташкил медиҳад. Аз шумораи умумии шаҳрвандоне, ки ба иҷрои корҳои ҷамъиятии музднок сафарбар шуданд 1759 нафар (40,9%) зан ва 1630 нафар (37,9%) ҷавонон мебошанд.

   Аҳмадзода Бустон

  сармутахассиси Раёсати бозори

  меҳнат ва шуғли аҳолии

  Вазорати меҳнат, муҳоҷират

  ва шуғли аҳоли Ҷумҳурии Тоҷикистон