Хабарҳо

Ифтитоҳи бинои шуъбаи Агентии меҳнат ва шуғли аҳолӣ, бахши Хадамоти муҳоҷирати ноҳия ва филиали Маркази таълими калонсолони Тоҷикистон дар ноҳияи Рашт

Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ  Раҳмон дар доираи сафари корӣ ба ноҳияи Рашт  бинои шуъбаи Агентии меҳнат ва шуғли аҳолӣ, бахши Хадамоти муҳоҷирати ноҳия ва  филиали Маркази таълими калонсолони Тоҷикистонро  ифтитоҳ намуданд.

Бояд қайд кард, ки дар кушодашавии он Вазири меҳнат, муҳоҷират ва шуғли аҳолии Ҷумҳурии Тоҷикистон Тағойзода Сумангул Саид, кормандони масъули сохторҳои вазорат, инчунин омўзгорон ва хонандагон иштирок намуданд.

Бинои нави шуъбаи Агентии мењнат ва шуғли аҳолӣ бахши Хадамоти муҳољирати ноҳия ва филиали маркази таълими калонсолон аз ду ошёна ва таҳхона иборат буда, дар ошёнаҳои якуму дуюми он — ҳуҷраҳои кории роҳбарият ва кормандон, ҳуҷраи кории роҳбарияти филиали Муассисаи давлатии Маркази таълими калонсолони Тоҷикистон дар ноҳияи Рашт, кошонаи ҳусн, муҳосибот ва синфхонаи омӯзиши касб барои маъюбон мавҷуд мебошанд. Ҳамчунин дар таҳхонаи бино синфхонаи қаннодӣ ва ошхона ҷойгир шудаанд.

Бинои мазкур дар доираи татбиқи сиёсати иҷтимоии Ҳукумати кишвар бунёд шуда, барои соҳиби касбу ихтисос кардани сокинон ва бо шуғл фаро гирифтани мардуми ноҳияҳои дурдасти мамлакат мусоидати фаъол мекунад.

Маркази таълим барои калонсол дар доираи супориши бевоситаи Пешвои миллат муҳтарам Эмомалӣ Раҳмон амалӣ гардида, дар бинои нав барои омӯзондани касбҳои ороишии мӯй, омӯхтани нозукиҳои кор бо компютер барои маъюбон, синфхонаи замбурисалпарварӣ ва омӯзиши ҳунари кафшергарӣ шароит муҳайё карда шудааст.

Бинои шуъбаи Агентии меҳнат ва шуғли аҳолӣ, бахши Хадамоти муҳоҷирати ноҳия ва филиали Маркази таълими калонсолони Тоҷикистон дар ноҳияи Рашт ҳамчунин дорои бойгонӣ, хонаи омӯзгорон, утоқи қабули шаҳрвандон доир ба масъалаҳои муҳоҷират ва маҷлисгоҳ мебошад.

Max